陳果拍西西。完場導演明言自己睇唔晒西西啲作品，好抱歉。但係同時又話，啲footage多到滿瀉，好多段有趣嘅片段都cut咗。而我嘅觀影感覺係，陳果係咁俾嘢嚟，呢頭呢個作家/學者分析幾句，都未講完就fade in另一段片，好鬼忙囉！
同時，呢幾日有啲陽間生物以為攪文學攪藝術攞藝發局錢係肥雞藝術綜援，附人媒體仲要出文盤點字花攞咗幾多錢。殊不知人地一舊錢做十萬樣嘢，件件精彩，而喺裡面做嘢嘅人，攞嘅人工分分鐘低過綜援。
係，香港就係咁。自己有寶自己都唔知。西西俾香港人以為喺台灣作家（下刪粗口。西西係我嘅師姐，我嘅街坊，台灣作家會寫土瓜灣咩？呀，係喎，無睇過西西作品又點會知西西成日寫土瓜灣呢？）。而所有嘅文學藝術活動，都係：我睇唔到所以就無囉（而啲人攞咁多錢但乜都無做過，一定係收著數維穩啦）。如果只靠眼前面書newsfeed餵你了解世界，的確係無文學嘅。自己眼見之世界就是世界之真象，毋需探索/實証的，原來不單是當下之民粹，原來香港人一直都這樣。
但同時，一代又一代之中，又有一些人，如同西西，以童眼面對困難，積極創造，笑對世界之殘酷。
這樣， 香港就有了值得居住的理由。
(p.s.: 關於陳果拍的我城。佢真係亂咁拍的，沒有回應「我城」這個主題，亦沒有很好地讀西西。根本沒有人會如他那樣「創作」記錄片的。係呀呵，土瓜灣好易拍呀呵，咁你咪pk囉！西西喺我城寫過嘅土瓜灣名場面你都唔知呀！我最心痛係乜？係你條pk有晒全宇宙嘅資源，西西本座肯現身，所有文學人評論人都肯出鏡，你拍到咁樣出嚟！？雖然唔係話無嘢睇，但你可憐吓人地江大姐拍嗰套無西西嘅西西記錄片，做好少少得唔得嘅呢？)
