wall.e

wall.e這電影到底告訴我們甚麼？諷刺我們在消費面前的白痴("try blue"就全世界轉blue，明明係一pat肥膏卻一味受落"you are glorious you are glorious"的機械(式)讚美)？諷刺我們在科技面前忘卻世界的美好(人人一味向著螢幕說話，都不知道自己身在何方，也不知道身邊有著美好的事物：片中肥女人因為wall.e"攪攪震"才"發現"這裡有個池)？諷刺我們過份依賴科技(乜都交俾電腦做，行路都唔識行，結果差d俾電腦統治番轉頭)？都是。但你話我讀女性主義讀到上腦又好，乜都好，我覺得wall.e，還有之前的五星級大鼠，其實是在展示迪士尼一種新的女性規範，不同於迪士尼公主、但又師承於迪士尼公主的女性規範。女人依然要靚(eva簡直係女神啦，係咪？)，但依家女人仲要叻。但你點叻都好，你都要愛上個白痴男主角，幫佢、教佢，為佢犧牲你嘅事業(明知廚房唔可以有老鼠都去幫男主角手，有任務在身竟然為左要同wall.e一齊而想放棄)，最後係個男主角0係亂打亂撞同個女主角0既全力幫助下做左大英雄，咁個女人就好開心，最後大家happy together啦！我%#*/-^$(_。又唔見你去改變下男主角0既性別定型？去死的迪士尼式新女性性別定型，比公主那一套更cheap！