哪啊哪啊

周末看了《戀上春樹》(極討厭這種港式食字戲名。食食食，食死你呀！)，除了戲名，基本屬狂推級別。同為日本作家三浦紫苑之小說改篇電影，我不明白《字裡人間》為何比《戀》得到更多討論和推介。三浦的小說，research非常堅實，會讓你有一種「作者就是行內人」的感覺；電影亦堅持同樣路線，演員都是親身爬樹伐木的。宮崎駿曾說過希望改篇《哪啊哪啊神去村》(《戀》之原著小說) 成動畫，害我一邊看電影一邊在幻想宮崎老爹會如何處理這場景和那場景。不過這些都不是我想說的。

今天是大專罷課之首天。電影裡有一幕，從城巿到深山當林業見習員的小子平野勇氣跟林業老闆一同去賣他們伐下的木材。因為護理有度，他們生產的木材非常優質，競投熱烈，賣得非常可觀的價錢。
勇氣：「嘩！發囉！老闆你砍晒啲樹去賣，Benz都有得坐啦，唔洗坐呢架van~」
老闆：「梗係唔可以啦！我地今日賣嘅木，係阿爺嗰代辛苦種落，一直努力養護，今日我地先至出產到咁靚嘅木。
「種菜嘅人都話可以食返自己種嘅菜。但係我地做林業嘅，當我地嘅努力有成果嘅時候，都已經去咗賣鹹鴨蛋囉。
「我地種樹，係為咗下一代。」

面對「罷課無用」論，其實只要把放眼看遠一點，排隊買iphone所得只係眼前小利，但罷課無論結果，也在維護和建構香港的民主、公義與公民社會。袋住先阿爺開心有錢齊齊搵，但香港放棄了民主和法治的基石，其實跟把山上的樹林一口氣伐光沒分別。香港人，真係唔係乜嘢都可以走精面搵著數架！啲學生唔同你一齊賣港一齊癲，走去罷課，你唔同意都好，起碼唔好阻、唔好小呀。

My salute to the students on strike!