side dish

晚餐，在街坊的小茶餐廳，餐牌上是蒸魚、滾湯、炒牛肉之類的家常菜，疏疏落落的有些男人在吃飯。

侍應姐姐笑容可掬。我和媽咪二人在看餐牌看了好久，她還說沒關係慢慢選；點的菜要點時間煮，她就給我們送（既是拿來，亦是免費）來清甜無味精的例湯「飲住等啦」。

 我們還在吃的時候，她就落場了。
「好！返去湊女啦～」
「吓？（屋企）得你一個咋喎？咁邊個幫你湊女呀？」收銀姐姐。
「無呀～係我一個咋。不過隔離個婆婆會幫我睇吓囉。」
「哦～ 咁都好啲～ 佢咁好人嘅？」
「係呀～ 我都對佢好好架～ 佢個伴「走」咗啦嘛，我煲湯又會分俾佢飲，又會幫佢買吓餸咁」
 「咁係呀～ 當佢阿媽咁囉！你對佢好，佢又會對你地好似女好似孫咁～啲嘢係互相嘅～
「哎呀！你咪執啦！快啲返屋企啦！」
 「好啦！我走啦～」