關於一個環保時尚比賽

唔鍾意聽都係要講：

環保唔係唔好，但環保同時尚其實係mutually exclusive架喎… 環保係要保護環境，珍惜資源，物盡其用；而時尚嘅重點在於你要in，咁即係要有嘢out啦，咁乜嘢out呢？就係之前in嗰啲囉。件嘢無壞無穿無爛架喎，不過out咗，咁就唔時尚啦，要丟咗佢啦。咁又點會環保呢？嗰啲乜嘢"升級再造、重新構造"，如果無咗時尚呢個槪念，就唔洗攪咁多嘢，可以直接著返啦。即係所謂ecochic不過係攪場大龍鳳，不過佢唔係無嘢攪搵嘢攪架喎，而係要將所謂嘅環保納入時尚週期嘅一部份，即係今期興環保，咁下期呢，咪唔再興囉，亦即消滅真正嘅環保，將佢變成一個安慰消費者嘅罪惡感嘅槪念。

好。分析完畢。